भारत की संस्कृति के लिए... भाषा की उन्नति के लिए... साहित्य के प्रसार के लिए
विष्फोट / डेलमिरा अगस्तिनी / सुमन पोखरेल
Kavita Kosh से
जीवन प्रेमैप्रेमले बनेको भए
कति भाग्यशाली हुनेथ्यो !
थप जीवन चाहिएको छ मलाई
प्रेमका निम्ति !
अनुभूत गर्दैछु म अहिले,
विचारहरूको हजार वर्ष पनि
भावनाको एक पल जति मूल्यवान हुन सक्दैन।
पीरमा डुबेर बिस्तारैबिस्तारै मर्दै थियो,
मेरो हृदय...
अहिले फक्रिँदैछ यो, जूनको फूलजसरी।
समुद्रझैँ दिग्भ्रमित भएर
दौडिरहेछ जीवन
प्रेमका हातहरूबाट बढारिएर।
घरिघरि बल्झिने पुरानो घाउजसरी
आफ्ना लुछिएका पखेटासँगै
निरास, चिसो राततिर उडेर गए
मेरा दु:खहरू।
बिलाए पर कतै अँध्यारामा ती...
मेरो सम्पूर्ण जीवन
गाउन थाल्यो, नाच्न थाल्यो, हाँस्न थाल्यो !
मेरो जीवनको हृदयभरि
वसन्त फक्रिन थाल्यो।
