भारत की संस्कृति के लिए... भाषा की उन्नति के लिए... साहित्य के प्रसार के लिए
शिव जी हीरो बनोॅ हो-64 / अच्युतानन्द चौधरी 'लाल'
Kavita Kosh से
समदन
बन्ना बन्नी के सम्हारोॅ बड़ी दूर चलली
भोली भाली बाबा प्यारी जी नैहर वाली
डोलिया धीरें धीरें लेॅ जइहोॅ ससुर के गली
कुम्हलाय मति जाय जी कुसुम के कली
हंसि हंसि गरवा लगैहोॅ बन्नी अलबेली
बड़ी रसभरी अंखियां जी मतवाली
समदन
डोला धीरें उठवैहोॅ सुकुमारी सिया हो
सुकुमारी सिया हो राम पियारी सिया हो
मिथिला सें नगरी अयोध्या छै दूर
रुकी रुकी केॅ लेॅ जइहोॅ सुकुमारी सिया हो
हमरी सिया राम बड़ी भोली भाली
लगाय लीहोॅ छतिया दुलारी सिया हो
हमरी सिया राम चम्पा के कली
कुम्हलावेॅ नहीं दीहोॅ सुकुमारी सिया हो
