भारत की संस्कृति के लिए... भाषा की उन्नति के लिए... साहित्य के प्रसार के लिए
सजधज आयी आ सिणगारी सिंझ्या / सांवर दइया
Kavita Kosh से
सजधज आयी आ सिणगारी सिंझ्या
रातवासै री करै तैयारी सिंझ्या
अंग-अंग सूं छळकै जोबन-मदवो
खोली ठगी री दुकानदारी सिंझ्या
देख्यां जावो घड़ी-घड़ी बदळैला
गजबण-कामेतर-छळगारी सिंझ्या
सूरज नै लेय’र समंदर में लुकगी
करगी आ चोट भळै भारी सिंझ्या
रात नै पजा आप न्हाठ जावैला
जाणै सगळी दुनियादारी सिंझ्या
