भारत की संस्कृति के लिए... भाषा की उन्नति के लिए... साहित्य के प्रसार के लिए
सधैँ तिम्रो साथ हुन्थ्यो / सुमन पोखरेल
Kavita Kosh से
सधैँ तिम्रो साथ हुन्थ्यो रङ्गीन रङ्गीन रात हुन्थ्यो
भने जिन्दगीमा सधैँ खुसीको नै बर्सात् हुन्थ्यो
गर्ने थिएँ तिम्रो वर्णन गीत तिम्रै लेख्ने थिएँ
तिम्रा सबै पीरलाई यो छातीले छेक्ने थिएँ
सुषुप्त मेरा उत्साहमा यदी तिम्रो आँट हुन्थ्यो
भने जिन्दगीमा सधैँ खुसीको नै बर्सात् हुन्थ्यो
तिम्रो माया सधैँ पाए जीवन भर म हाँस्ने थिएँ
मायाभित्रै रमाएर सार्थक जीवन बाँच्ने थिएँ
उदाश मेरा यी आँखामा ती आँखाको मात हुन्थ्यो
भने जिन्दगीमा सधैँ खुसीको नै बर्सात् हुन्थ्यो
