साल ऐं मिन्ट / अर्जुन ‘शाद’

साल
मिन्टनि जां उॾामंदा वञनि था
मिन्टनि जे मिक़दार मां छा थींदो
बेवसी उभिरी बिहे थी
जद्दोजहद खे समझण लाइ बि
वधक मिन्ट विञाइणु अजाया लकानि था
साल मिन्टनि जां उॾामंदा वञनि था
सोच वीचार जे वजूद खे
ॾिसण खां ई इन्कार करियां थो
हासिल करणु छा आहे
गंवाइणु छा आहे
पाण खे ठॻण जा ई ख़याल आहिन
मिन्टनि मां
सालनि जो लुत्फु हासिल करण लाइ
पाण खे
बे मक्सद राहुनि ते हलण लाइ
उछिलाए थो छॾियां।