भारत की संस्कृति के लिए... भाषा की उन्नति के लिए... साहित्य के प्रसार के लिए
सिनोमा आँखा पर्नु हुन्न / सुवासचन्द्र ढुङ्गेल
Kavita Kosh से
धेरै माथि उडेपछि सिनोमा आँखा पर्नु हुन्न
फाइदाको कुरो देख्यो कि तलतल झर्नु हुन्न ।
सम्पत्ति सबैलाई चाहिन्छ जिन्दगी बाँच्नलाई
तर पैसाका लागि बजारमा नाम छर्नु हुन्न ।
जन्मदै मृत्यु पनि साथ ल्याएको हुन्छ मान्छेले
स्वार्थका लागि हर दिन सस्तो मृत्यु मर्नु हुन्न ।
मान्छेको भीडमा आफूलाई मान्छे भनी चिनाउन
हरियो देख्यो कि पशुझैँ जथाभावी चर्नु हुन्न ।
