सियासी शींहं जी लड़ाई / अर्जुन मीरचंदाणी 'शाद'

असां खे
शींहं जी लड़ाई ॾिसण में
मशग़ूल रखियो वञे थो
ज़िंदगीअ जो मर्कजु़
लड़ाई आहे।
सुलह जूं ॻाल्हियूं
अमन, एकता ऐं
शान्तीअ जा गुफ़्ता
ताक़त खे महफू़ज रखण लाइ ई
हथियार आहिनि;
ड्रामा जे अदाकारनि जो
निहायत ई असराइतो पार्ट आहे
असांजे दिल, दिमाग़
बल्कि
सारे वजूद मथां
इहे छांइजी वञनि था
इहो ड्रामा
फ़क़ति टिनि ऐक्टनि जो न आहे
हज़ारें ऐक्ट आहिनि
इन्हीअ ड्रामा में!