भारत की संस्कृति के लिए... भाषा की उन्नति के लिए... साहित्य के प्रसार के लिए
ઉનાળો / જયન્ત પાઠક
Kavita Kosh से
રે આવ્યો કાળ ઉનાળો
અવની અખાડે, અંગ ઉઘાડે, અવધૂત ઝાળજટાળો.
રે આવ્યોo
એના શ્વાસે શ્વાસે સળગે
ધરતી કેરી કાયા;
એને પગલે પગલે ઢળતા
પ્રલય તણા પડછાયા.
ભરતો ભૈરવ ફાળો.- રે આવ્યોo
એના સૂકા હોઠ પલકમાં
સાત સમુન્દર પીતા;
એની આંખો સળગે જાણે
સળગે સ્મશાન ચિતા.
સળગે વનતરુડાળો.-રે આવ્યો0
કોપ વરસતો કાળો
રે આવ્યો કાળ ઉનાળો.
