भारत की संस्कृति के लिए... भाषा की उन्नति के लिए... साहित्य के प्रसार के लिए
જોઈશ આ હ્રદય ભીતર / હરિશ્ચંદ્ર ભટ્ટ
Kavita Kosh से
જોઈશ આ હ્રદય ભીતર એક વાર ?
પારેવડું ગરીબડું રડતું ઘવાયું,
ના હોંશ કૂજન તણી, ઊડવાની યે ના;
પાંખો ગઈ, ગઈ વળી દિવસોની ઉષ્મા.
આવે બિચારું તુજ હાથ મહીં લપાવા
જેણે ફરી ફરી ધરી કણ ભૂખ ભાંગી,
ને કૂજને હ્રદયનો રણકાર પૂરી
જેને નચાવી રીઝવ્યું હતું કૈંક વેળ.
એ જાય ક્યાં, ક્યમ ભૂલે દિવસોની મૈત્રી
જ્યારે હવે નવ રહી ઊડવાની હામ ?
તેં ખોળલે લઈ રમાડ્યું, હવે ખસેડે
શાને પૂછે હ્રદયને નહિ બીજી વાર ?
થૈને કૃતઘ્ની કરી ચંચુ-પ્રહાર ક્યારે
ડાર્યા કદી ય તુજ વત્સલ હાથ એણે ?
