भारत की संस्कृति के लिए... भाषा की उन्नति के लिए... साहित्य के प्रसार के लिए
રોજ મારાથી મને વાંધો પડે / ગૌરાંગ ઠાકર
Kavita Kosh से
રોજ મારાથી મને વાંધો પડે,
તો ય મારે તો મને જોવો પડે.
આ ઝરણ એમ જ નદી બનતા નથી,
દોસ્ત પાણીનેય પરસેવો પડે.
કૈંક તો સારું બધામાં હોય છે,
લીમડાનો છાંયો ના કડવો પડે.
તું દિવસ જીતી ગયાંનો વ્હેમ છોડ,
સાંજે પડછાયો ઘણો મોટો પડે.
તું અડે ને એમ લાગે છે મને,
જાણે સૂકા ઘાસ પર તણખો પડે.
તું હવે સરનામું પાક્કુ આપ બસ,
રોજ મંદિરનો મને ધક્કો પડે.
