भारत की संस्कृति के लिए... भाषा की उन्नति के लिए... साहित्य के प्रसार के लिए
હરણ માત્ર એક માત્ર જ / યામિની વ્યાસ
Kavita Kosh से
છે મમતાનું જગમાં ઝરણ માત્ર એક જ,
અને યાદ આવે શ્રવણ માત્ર એક જ.
ઉદાસીનું છે વિસ્તરણ માત્ર એક જ,
હૃદયમાં વસે છે એ રણ માત્ર એક જ.
તને ભૂલવા યુગ ઓછા પડે પણ,
તને પામવાની તો ક્ષણ માત્ર એક જ.
સતાવે છે મૃગજળ અહીં સૌને કિન્તુ,
મરે દોડી દોડી હરણ માત્ર એક જ.
ભણેલા ભૂલી જાય સઘળું કદાપિ,
બધું જાણનારો અભણ માત્ર એક જ.
