अंगिका भाषा / अंजनी कुमार सुमन

अंगिका के उच्चो माथा
बहुत पुराना छै ई भाषा।

ऐकरे में तेॅ कथा-कहानी
लीखै छै अमरेन्दर चाचा
अंगिका के उच्चो माथा
बहुत पुराना छै ई भाषा।

सुमन चचा भी बोलै मीठा
लीखै छै ऊ बाल कवीता
राही मौसा हँसी लगाबै
भीड़ जुटाबै अच्छा खासा
अंगिका के उच्चो माथा
बहुत पुराना छै ई भाषा।

छोटा कुरता बड़ा पजामा
गीत लिखै छै परलय मामा
और विजेता फुफ्फा गाबै
रामायण के सच्चा गाथा
अंगिका के उच्चो माथा
बहुत पुराना छै ई भाषा।