भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

अंग्रेजी-1 / मथुरा नाथ सिंह ‘रानीपुरी’

Kavita Kosh से
यहाँ जाएँ: भ्रमण, खोज

1.
ऐलै आवाज
भारती भाषा पर
अंग्रेजी राज।

2.
यहेॅ पढ़ाय
अंग्रेजी के आबेॅ रे
करोॅ बड़ाय।

3.
कैन्होॅ प्रयोग
भारत में ऐलै नी
अंग्रेजी रोग।

4.
कत्तेॅ रे छूट
करुवा देहोॅ पर
अंग्रेजी सूट।

5.
मिटलै आशा
हिन्दी सें गुरुतर
अंग्रेजी भाषा।

6.
छेकै ई सोंच
भारत भूमि पर
अंग्रेजी खोंच।

7.
मारै जे गोली
वोकरै आय हम्में
बोलै छी बोली।

8.
कहै जे कारोॅ
वोकरे भाषा संग
मुँहोॅ के लारोॅ।

9.
छेलै जे गंदा
अंग्रेजी के ऊ धंधा
डालै छै फंदा।

10.
की नै करकै
बम बरसैलकै
जानो मारकै।

11.
ई मृगतृष्णा
गोरकाँ की नै करै
कारोॅ सें घृणा।

12.
बनोॅ अंग्रेज
करत्हौं हरदम
ऊ परहेज।

13.
बनोॅ अंग्रेज
देत्हौं की कहियो ऊ
तोरा दहेज।