भारत की संस्कृति के लिए... भाषा की उन्नति के लिए... साहित्य के प्रसार के लिए
अगु ऐं अॼु / ढोलण राही
Kavita Kosh से
केॾो फेरो अगु ऐं अजु में!
अगे त हिक म्याणि में
ॿ तलवारूं बि न मापंदियूं हुयूं
हाणे हिक रिवालवर में
छह गोलियूं थियूं मापनि!
अगे वेरीअ ते वार करण लइ
खणिबी हुई तलवार
ॿिए हथ में
पंहिंजे बचाव लइ ढाल
ऐं जिस्म जे हिफ़ाज़त लइ
फ़ौलादी पोशाक।
अजु आतम घाती बम बणिजी
हिक जान ॾई
सौ सौ जनियूं था वठी सघनि।
अगु दुश्मन खे मारण जो
एंे पंहिंजे बचाव जोजतनु कबो हो
हाणे ख़ुद खे मारे
दुश्मन जे क़िले खे करे तबाह
सर्वनाश थो कयो वञे
अगु झंगल जो राजा शींहुं
बेख़ौफ़ बणिजी पियो घुमंदो हो
हाणि लूमड़नि, झंगिली ॿिलनि
जी दहशतगीरीअ जे डप में
पाणु बचाइण लाइ
गुफ़ा में जीअन्दो आहे।
केॾो फेरो अगु ऐं अजु में!
