भारत की संस्कृति के लिए... भाषा की उन्नति के लिए... साहित्य के प्रसार के लिए
अचण जी ॻाल्हि त सोचे न सघियुसि! / अर्जुन हासिद
Kavita Kosh से
अचण जी ॻाल्हि त सोचे न सघियुसि!
लिखी ॿ लफ़्ज बि तोखे न सघियुसि!
वॾो को ताणु हवाउनि में हो,
नज़र जे अहम खे भोरे न सुघियुसि!
कठोर अहिड़ो रहियो रुख़ तुंहिंजो,
हलाए वसु बि को तोते न सुघियुसि!
अञा बि बंद उहो दरवाज़ो,
जो कंहिं बि मुरिक सां खोले न सुघियुसि!
कॾहिं त साज़ वॻो थे झीणो,
टुटी जो तंदु, त जोड़े न सघियुसि!
अञा बि महक अचियो मनु वासे,
हवा खे किअं बि त रोके न सुघियुसि!
किथे वरी बि गॾियासीं हासिद,
अखियुनि में सार सा ॻोल्हे न सुघियुसि!
