भारत की संस्कृति के लिए... भाषा की उन्नति के लिए... साहित्य के प्रसार के लिए
अजिर में खेलत हैं दोउ भैया / स्वामी सनातनदेव
Kavita Kosh से
राग देवगिरि, ताल झूमरा 9.8.1974
अजिर में खेलत हैं दोउ भैया।
गौर स्याम की अद्भुत सुखमा हुलसि-हुलसि निरखहिं दोउ मैया॥
मणि-आँगन में चलहिं घुटुरुअन, हरसहिं निरखि-निरखि परछैया।
करहिं रारि प्रतिविम्बहुँ सों दोउ, हँसहिं हँसावहिं दै किलकैया॥1॥
भाँति-भाँति के कनक क्रीडनक, मोहन को भावै अति गैया।
कबहुँ छिनाय लेत दाऊ तो सुबकि-सुबकि रोवहि नँद छैया॥2॥
मैया लै कनिया चुचकारत, हलरावत करि लाड़-लड़ैया।
बड़े भाग्य पायो सुख ऐसो, वारि-वारि असु<ref>प्राण</ref> लेत बलैया॥3॥
शब्दार्थ
<references/>
