भारत की संस्कृति के लिए... भाषा की उन्नति के लिए... साहित्य के प्रसार के लिए
अझका दानव / उमेश बहादुरपुरी
Kavita Kosh से
खुदा समझ के जिनखर इहाँ करऽ हथ सब पूजा
हमर समझ से दानव हथ अप्पन डाक्टर डिसूजा
कलतक जे रक्षक हलथिन आझ बन गेला भक्षक
बिच्छू-जहर हे मीठा ई डँस रहल बनके तक्षक
इनखा जइसन पापी नञ् ई धरती पर दूजा
नंगा-भूक्खा तो इहाँ हइये हल कमीशनखोर
भरल-पुरल रहला पर भी ई हथ बिन्हाँ चोर
खिलल-कली की कउन कहे बस इनखा चाहि चूजा
बिन मतलब के जाँच लिखऽ हथ बने लेई धनवान
भोली-भाली जनता हे इहाँ इनखा से परेशान
मरल-मरल के खून चूस बनगेला ई खरबूजा
सतरह दवाई लिक्खे पर कोय त फायदा करबे करतै
मरऽ हे कोयी मरल करे इनखर झोली भरवे करतै
खून बिना हे रोगी पीअर इनखर रेत्र सबूजा
पत्थर जइसन लोग इहाँ होबऽ हथ बेजान
जिनखा तूँ इंसाँ समझे हे ऊ महाशइतान
खास कहल जाहे जिनखा ऊ सब हथ आहूजा
