भारत की संस्कृति के लिए... भाषा की उन्नति के लिए... साहित्य के प्रसार के लिए
अथेई सुध? / अमुल चैनलाल आहूजा 'रहिमी'
Kavita Kosh से
हाण चुप खणी थी न ऐं कुझु मुंखे बि ॿुध,
कननि सां गॾु आ हिकु वातु मुंखे बि अथई सुध?
लोक आहे ॿोक चवंदे वरिह्यनि खां पियो ॿुधां
तूं बि रुॻो पियो सलीं सूर पंहिंजा अथई सुध!
सिज चंड ऐं वॾियूं रोशनियूं भल हुजन तो वटि-
पर ॾिऐ जी आ नंढिड़ी लाट मुं वटि अथेई सुध?
हाल तोखां ई रुॻो भला पियो पुछां ईऐं छो?
मुं वटि बि नाहिन कष्ट घटि अथेई सुध?
ॿेले में मां, बूटनि सां गॾु हिकु डिघो दरख़तु
गुलनि खे बि घुरिजन कॾहिं ख़ार अथई सुध?
राह वेंदें पिया लुटजनि रे गुनाह राहगीर-
को कंदो भी आ रखिया ‘रहिमी’ संदनि अथेई सुध?
