भारत की संस्कृति के लिए... भाषा की उन्नति के लिए... साहित्य के प्रसार के लिए
अनुगीत-4 / राजकुमार
Kavita Kosh से
हम ढिंढोरा छी कहाँ विसराम हमरोॅ
छै अकाशोॅ के लेली संग्राम हमरोॅ
लाल छी हम लालिमा हमरोॅ पसरलोॅ
चीरनें अँधियार के अंजाम हमरोॅ
हम ईंगोस छी मय के तेज ‘तीतर
चेतना रोॅ फूल अड़हुल ग्राम हमरोॅ
जिन्दगी हमरोॅ लहरलोॅ लहलहैलोॅ
लहक छी हम पंख में परिणाम हमरोॅ
जीत हमरोॅ बन्द मुट्ठी में समैलोॅ
छै अमावस के चिबाना काम हमरोॅ
राग हमरोॅ साज के आवाज हमरोॅ
‘राज’ धरती रोॅ लपट अविराम हमरोॅ
