भारत की संस्कृति के लिए... भाषा की उन्नति के लिए... साहित्य के प्रसार के लिए
अन्त्यपर्तिर पनि यो संसार पुरुषको हो / शोलेह वोल्पी / सुमन पोखरेल
Kavita Kosh से
एउटी नारी हुँ म, कुनै दुई मत छैन।
पाप हो मलाई हेर्नु
बुर्का लगाउनै पर्छ मैले।
प्रलोपनमा पर्नु हो मेरो स्वर सुन्नु,
मौन राख्नै पर्छ त्यसलाई मैले ।
अपराध हो मैले केही सोच्नु
त्यसैले जान्न हुँदैन मैले केही पनि।
सबै सहनुपर्छ मैले र
चुपचाप मर्नुपर्छ, कुनै गुनासो नगरीकन।
त्यसो भयो भने मात्र प्रवेश पाउनेछु मैले ईश्वरको न्यायालयमा
जहाँ नग्न सुत्नुपर्छ मैले सेता बादलमाथि
रसिला अङ्गुर खुवाउनुपर्छ पवित्र पुरुषहरूलाई
सुनौला सुराहीबाट रक्सी खन्याइदिनुपर्छ तिनीहरूलाई
र गुन्गुनाइदिनु पर्छ प्रेमका गीतहरू।
