अमुआँ मँजरि गल कोयली कुहकि गेल / अंगिका लोकगीत

   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

अमुआँ मँजरि गल कोयली कुहकि गेल, मोरबा बोलै आधी रात हे।
अगला पहर राती पिछला पहर राती, बिचला राती पूता दुअरे धैने<ref>पकड़े हुए</ref> ठाढ़ हे॥1॥
किए तोहें अरे दुलरू चोर चंडाल, किए तोहें जगैलें आधी रात हे।
नहिं हमें आहे मालिन चोर चंडाल, नहिं हमें जगैलिऔ आधी रात हे॥2॥
मलिया जे सूतल बीच फुलबरिया, मालिन सुतल निज घर हे।
बाबा घर आहे मालिन लगन उताहुल, अरगज<ref>अद्भुत</ref> मौरिया गूँथी देहो हे॥3॥
अरगज अरगज सुनिऐ दुलरुआ, अरगज मौरिया कैसन होए हे।
औंठी पौंठी<ref>अगल-बगल में</ref> लिखिहें मलिनिया आलरी झालरी, माझे<ref>बीच में</ref> ठैयाँ लिखिहैं मजूर<ref>मयूर</ref> हे॥4॥
बाटहिं रिझतै बाट बटोहिया, कुइयाँ रिझतै पनभरनी हे।
मँड़बाहिं रीझत सारी सरहोजिया, कोहबर कनिया कुमार हे॥5॥

शब्दार्थ

<references/>