असाढ सागै लूवां दोरी लागै / सांवर दइया

हिन्दी शब्दों के अर्थ उपलब्ध हैं। शब्द पर डबल क्लिक करें। अन्य शब्दों पर कार्य जारी है।

असाढ सागै लूवां दोरी लागै
आ छीयां रूपाळी छोरी लागै

धोरां बिच्चै ऊभो ठूंठ ऐकलो
टुटती सांस री आ डोरी लागै

तपतै माथै थारो हथाळी-परस
सांस लागै जुड़ सांस सोरी लागै

झूंपडी री आंख अटकी सड़क कानी
’गोबर’ रो सोच करै ’होरी’ लागै

कूड़ी कलम करै ऐ कागद काळा
मन-पोथी अजै साव कोरी लागै