भारत की संस्कृति के लिए... भाषा की उन्नति के लिए... साहित्य के प्रसार के लिए
अस्त्र / विक्रम सुब्बा
Kavita Kosh से
बाल्यकालको अस्त्र रुनु रहेछ
जवानीको अस्त्र मुस्कान रहेछ
युवतीको अस्त्र लजाउँनु रहेछ
युवकको अस्त्र साहाश रहेछ
माइतीको अस्त्र माया रहेछ
आमाको अस्त्र ममता रहेछ
बाबुको अस्त्र स्नेह रहेछ
छिमेकीको अस्त्र सहयोग रहेछ
साथीको अस्त्र सहकार्य रहेछ
विद्वानको अस्त्र अनुसन्धान रहेछ
पुरेतको अस्त्र कथा वाचन रहेछ
मानिसको अस्त्र दान गर्नु रहेछ
सामन्तवादको अस्त्र किसानको शोषण रहेछ
पुँजीवादको अस्त्र मजदुरको शोषण रहेछ
खुला बजारको अस्त्र नाफा रहेछ
विस्तावादको अस्त्र घुसपैठ र ध्वस्त रहेछ
साम्राज्यवादको अस्त्र
युद्ध जित्नु कब्जा गर्नु
र आफ्नै कठपुतली सरकार स्थापना रहेछ
समाजवादको अस्त्र समता रहेछ
साम्यवादको अस्त्र वर्गबिहिनता रहेछ
अब, तिमी आफै रोज
जिन्दगीमा कुन कुन बेला
कुन कुन अस्त्र चलाएर
गुजारा गर्न चाहान्छौ?
