भारत की संस्कृति के लिए... भाषा की उन्नति के लिए... साहित्य के प्रसार के लिए
अहिडत्री रात तूं वरी न आणीन्दे / मोतीलाल जोतवाणी
Kavita Kosh से
गुज़िरियल दफ़े
जॾहिं असां मथां
उहारात अची पेई हुई
त प्रभात थियण में
सॼा सारा छह साल लॻी विया हुआ
उन रात असां छा-छा न ॾिठो?
छा-छा न सठो?
माउ रोटी वचाए
पंहिंजे पुट भरिसां खणी आई
त खेसि ख़बर पेई
संदसि पुट खे
पढ़ाईअ जी मेज़ कुरिसीअ तां उथारे
ॿांह खां छिके
लाम ते वठी विया हुआ...
ऐं पाॻल औरतूं
पंहिंजनि मर्दनि खे
अजायो बिस्तरनि ते ॻोल्हे रहियूं हुयूं
होॾांहुं मर्दनि में बि
अलाजे छा कुझु बीमार-बीमार
पैदा थी रहियो हो
गुज़िरियल दफ़े
जॾहिं असां मथां
उहा रात अची पेई हुई,
त उहा चंड खे ॻिरकाए
पॻिली बणिजी पेई हुई;
मूंखे ख़बर आहे
अहिड़ी रात तूं वरी न आणीन्दें,
छो त हिन दफ़े
टीं महाभारी लड़ाईअ वारी उहा रात
सूरज खे ई ॻिरकाए खाई वेन्दी!
