अहिड़े माण्हूअ सां मिलिणो आ / अरुण ॿाॿाणी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

अरुण ॿाॿाणी »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

अहिड़े माण्हूअ सां मिलिणो आ
को बि टुकरो भॻलु न हुजे
सॼे जो सॼो ठहियलु हुजे
छड़ो लिखियलु पढ़ियलु न हुजे
ॻाल्हि सॼी समुझियलु हुजे
हुजे न हू हिक कौड़ी कविता
पर हिकिड़ो सचो ग़ज़लु हुजे
अहिड़े माण्हूअ सां मिलिणो आ।

अहिड़े माण्हूअ सां मिलिणो आ,
जो सिर्फ़ पंहिंजे मेंन हुजे
इनसाननि सां जुड़ियलु हुजे
हुजे बि हू बन्द तहख़ानो
दरियूं दरवाज़ा खुलियलु हुजे
जो न कॾहिं विकिणी सघिजे
संदसि में अहिड़ो ॿलु हुजे।

अहिड़े माण्हूअ सां मिलिणो आ,
जो न फ़क़ति चए पंहिंजी
ॿियनि जी ॻाल्हि बि बुधलु हुजे
हुजे न हू हरवक़्ति बुखियो
काम ऐं धन मां छुटलु हुजे
गुलनि जी हुजे सुरहाणि
ॼणु बाग़ में वेठलु हुजे
लॻे त हू इनसान जहिड़ो
पर खु़दा सां मिलियलु हुजे
अहिड़ीअ तरह रचियलु हुजे
जिअं सामी ऐं सचलु हुजे
अहिड़े माण्हूअ सां मिलिणो आ!