अॼु साजन मूं घर आयो / लीला मामताणी

अॼु साजन मूं घर आयो
मां झूमरियूं छो न पायां
झुमरियूं पायां फेरड़ियूं पायां
मां गीत खु़शीअ जा ॻायां

ॾीअड़ा ॿारे ॾियारी कयां मां
सुहिणी सेज सजायां
सुरमो पाए सींधि सजाए
लाली चपनि लॻायां, मां गीत खु़शीअ जा ॻायां

पट पटीहर सोना चांदी
पाए पाण सींगारियां
छम छम छमके पायल मुंहिंजी
अंग अंग साणु नचायां
सुहिणी राति मिलण जी आई
संगमु मां दिलि जो रचायां
मां गीत खु़शीअ जा ॻायां...