भारत की संस्कृति के लिए... भाषा की उन्नति के लिए... साहित्य के प्रसार के लिए
आँखाहरू सित मैले / ईश्वरवल्लभ
Kavita Kosh से
आँखाहरू सित मैले धेरैधेरै प्रश्न गरेँ
केही थाहा नपाई मैले यसलाई माया सम्झेँ
कतिकति रात सित रात बनी टोलाइरहेँ
मीठामीठा पीडाहरू मलाई नै गिज्ज्याइरहे
प्रश्नमा मैले प्रश्नै पाएँ अलमल्लिई भावनाहरू
केही सम्झी, केही झस्की, त्यसलाई प्रीत सम्झेँ
घामछाया यो जीवन सम्झी, भूलिदेऊ पीर जति
बिहानीको नयाँ रङ्ग, रङ्ग्याइदेऊ जीवन फेरि
प्रीतीका यी फूलहरू थाहा नपाई फुलेछन् यहाँ
ओइलाई झर्ने हो या फूल्ने अजम्बरी मैले सम्झेँ
