भारत की संस्कृति के लिए... भाषा की उन्नति के लिए... साहित्य के प्रसार के लिए
आंखियां रौ बवार देखूंला / सत्येन जोशी
Kavita Kosh से
आंखियां रौ बवार देखूंला
धुंध रै आर -पार देखूंला
देखली आपरी अणूताई
आज खुदरौ तुमार देखूंला
जाणै पासौ कदै पलट जावै
दांव म्है भी लगां’र देखूंला
नख निवाई भी आस कोनी है
कांकरा वार वार देखूंला
रात री खाक में है टाबरियौ
आंगणै में उतार देखूंला
मौत, मनवार सूं नहीं मूंगी
जिंदगाणी गुजार देखूंला
वो बकारै घड़ी घड़ी भर में
देखलूंला, अबार देखूंला
