आकार जी हत्या / विश्नू भाटिया

आकार जी हत्या
बेमाना आहे
आकारु नासु बि
थी वञे, त छा थियो?
वीचारु त जिं़दा रहे थो-
वीचारु,
जंहिं खे फ़क़त
वीचारु ई कटीन्दो
वीचारनि जे वीछनि सां
लड़िया विया धर्म युद्ध
धर्म ग्रन्थनि जा वास्ता विझी
मारिया विया आहिनि इनसान
गजिरुनि-मूरियुनि जियां
वीचारनि जे वजूद लाइ
इनसान खे मारणु
हैवानियत आहे।
ज़रूरी आहे
वीचारनि जो अॅबारशनु
कराइजे,
इन में का बि हत्या कान्हे।