भारत की संस्कृति के लिए... भाषा की उन्नति के लिए... साहित्य के प्रसार के लिए
आकाश में बदल ले ले / रवीन्द्रनाथ ठाकुर / सिपाही सिंह ‘श्रीमंत’
Kavita Kosh से
आकाश में बादल लेले
आसाढ़ फेनू आ गइल।
बरखा के रस भीनल गंध
फेनू हवा में छितरा गइल।
नूतन जल भरल मेघ देख के
हमार पुरातन मन फेनू अगरा गइल
आकाश में बादल ले ले
आसाढ़ फेनू आ गइल।
दूर-दूर तक फइलल खेतन मेभें
नया-नय घस-दूभ तृणदल पर
बादल के छाँह पड़ल
तन-मन अगर गइल।
”आइल रे आइल“ रटे प्राण
”आइल रे आइल“ उठे गान
नैनन में बस गइल
मन में सभा गइल
आ गइल आसाढ़ फेन
बादल नभ छा गइल।
