भारत की संस्कृति के लिए... भाषा की उन्नति के लिए... साहित्य के प्रसार के लिए
आकासे अछि फाटल साटल ने जा सकैए / बाबा बैद्यनाथ झा
Kavita Kosh से
आकासे अछि फाटल साटल ने जा सकैए
जे भाग्यमे लिखल छै बाँटल ने जा सकैए
ग्रह-पिंडसन घेरायल हम छी असंख्य जनसँ
के चोर आ के साधू छाँटल ने जा सकैए
संबंध महज स्वार्थक सन्तान होअए कि पत्नी
गलती कोनो करय ओ डाँटल ने जा सकैए
देहक ने मोह हमरा काटब अहाँ तँ काटू
विश्वास मुदा मनकेर काटल ने जा सकैए
परित्याग कऽ देने छी संसर्ग ओ बेबस भऽ
जे थूक फेकि देलियै चाटल ने जा सकैए
