प्लेटफर्ममा रेल रोकिएपछि
उठेर जानेछ
आफूसँगैको सिटमा बसेको कोही,
रेलबाट ओर्लिँदै गर्दा
हेर्नेछ उसले तिमीलाई
कुनै खैरो बिरालाले जसरी
मुन्टो फर्काएर,
हुन सक्छ उसले आफैंलाई हराएको होस् कुनै क्षण
तिम्रो सुगन्धमा।
तिमीले आफ्ना कानलाई
उसका छातीमा बिसाउँदा, सुनेथ्यौ
बाघको ओढारबाट निस्कँदै गरेको डमरूको
मन्दमन्द पदचाप।
एउटा व्यभिचारी पनि हुनसक्छ ऊ -
जसलाई देखेपछि दिक्क लाग्ने गर्छ मानवजातिसँगै ।
सामू उभिन्छन् सबै पश्चातापहरू
र मानिसहरूका बीच अडिन्छ प्रेम
व्यवहारिक भएर
साउती गर्छन् तिनीहरू एकआपसको हात समातेर
प्लेटफर्ममा रेल रोकिएपछि ।