भारत की संस्कृति के लिए... भाषा की उन्नति के लिए... साहित्य के प्रसार के लिए
आगि / दिलीप कुमार झा
Kavita Kosh से
आगि तँ बहुत छैक ओकरा भीतर
आगिक उष्मासँ धहधह करैत छैक देह
ओएह उष्मा थिकै ओकर ऊर्जा ताहिसँ अछि अनजान
सगरो पसरि जाय ई आगि
जे उर्जान्वित क' सकय हमरा युवारक्तकें
आगिक एकटा-एकटा चिनगी
अछि महत्त्वपूर्ण
आगि मुदा होइछ बड़ अनटाह
कनियें असावधानी क' दैछ गामक गाम सुड्डाह
बड़ शक्ति छैक आगिमे
हमरा भीतर कियै नहि धधकि रहल अछि आगि
जे कतेको दिनसँ सुनगि रहलए
एहि व्यवस्थाक सरान्धसँ
मातृभूमि आओर मातृभाषाक उपेक्षाक आक्रोशसँ।
