आजभोलि किन हो तिमी / किरण खरेल

आजभोलि किन हो तिमी सपनामा देखिन छाडेकी
सँगै बसी गरेका कुरा हो कि खाली मलाई ढाटेकी

सपनामा तिमीलाई देख्छु सधैँभरी
जाने बेला भनी गयौ माया गरीगरी
कति निँद बितिसके तिमी भने आइनौ
कुहिरोको घुम्टो खोली शरमले च्याइनौ

बालकको खेल्ने घर हाम्रो प्यार हैन
जति जाऊ तिमी पर बिर्सने म छैन
शीतलाई सुताएझैँ फूलले छातीमाथि
तिमीलाई सम्झेको छु मैले मेरै साथी