भारत की संस्कृति के लिए... भाषा की उन्नति के लिए... साहित्य के प्रसार के लिए
आजह / ककबा करैए प्रेम / निशाकर
Kavita Kosh से
संसारमे हठात् किछु नहि होइत अछि
सभक ओजह रहैत अछि जरूर
कोनो ने कोनो।
ने हठात् जीत होइत अछि
ने हारि
ने हठात् प्रेम होइत अछि
ने घृणा
ने हठात् बिजुरी छिटकैत अछि
ने होइत अछि बरखा
ने हठात् पात पीअर होइत अछि
ने पात खसैत अछि
ने हठात् सुरुज उगैत अछि
ने डूबैत अछि।
कर्मक कोखिसँ जनमैत अछि
फल
फलक प्राप्ति होइत अछि
सिरही फानब-सन।
