भारत की संस्कृति के लिए... भाषा की उन्नति के लिए... साहित्य के प्रसार के लिए
आज ढोलिया त करियूं प्यारु, हलिया बेंदासीं! / अर्जुन ‘शाद’
Kavita Kosh से
आज ढोलिया त करियूं प्यारु, हलिया बेंदासीं!
केसीं हिअं रहिबो भला धार, हलिया बेंदासीं!
कुझ ख़ता मुंहिंजी त कुझ तुंहिंजी बि हूंदी ढोलिया
थींदा पूरा न ही तकरार, हलिया बेंदासीं!
जा घड़ी गुज़िरी, लॼी कीन करे शाल मूंखे
ज़िन्दगी आहि घड़ियूं चार, हलिया बेंदासीं!
बस फ़क़त पंहिंजो जीअणु आहि या ॿिये जो बि ख़यालु?
करि ॿियनि जो बि त बीचार, हलिया बेंदासीं!
हू हसीन चेहरा, हीअ दिल ऐं ही उल्फत जो असरु
छा छॾे सुहिणो ही संसारु, हलिया बेंदासीं!
मौतु आहे त जीअणु थिये थो ज़ियादा ज़ाहिर
‘शाद’ जीवन जी करियूं सार, हलिया बेंदासीं!
