भारत की संस्कृति के लिए... भाषा की उन्नति के लिए... साहित्य के प्रसार के लिए
आप रै सुराज मांय / ओम पुरोहित कागद
Kavita Kosh से
गांव री
चौपाळ मांय तूं
आज तक
भोत अंगूठा लगाया है
एक लेय‘र
दस आपरै नांव लिखाया है
तूं
वा कई थावसी है
तपसी है।
पण
बै अंगूठा तो तूं
राजसाई आळै टैम
बो‘रां
अर
साहूकारां री बै‘या पर
लगाया हुवैला!
हाँ, तूं कै ज्यूं
थारी बात ठीक है
म्हारी बात दांईं।
भाईड़ा!
अब जद तूं इणरो आदी है
तो तूं आपरा अंगूठा
चूस‘र साफ मत कर
ओज्यूं तनै
आप रै सुराज मांय
करजायी होगी बाकी है।
बावळा !
तूं समझै क्यूं कोनीं
कै चमकै बांरा भाग
जकरं रा अंगूठा
स्याई स्यूं तर रे‘वै।
