भारत की संस्कृति के लिए... भाषा की उन्नति के लिए... साहित्य के प्रसार के लिए
लोक संगीत
कविता कोश विशेष क्यों है?
कविता कोश परिवार

आफ्नो घर बालेर आफैँ ताप्नु / राजेश्वर रेग्मी

Kavita Kosh से
यहाँ जाएँ: भ्रमण, खोज


आफ्नो घर बालेर आफैँ ताप्नु हुँदैन भाइ
झूटो खबर अखबारमा छाप्नु हुँदैन भाइ

के पाएँ भनी नसोच, बरु तिमीले के दियौ
माटोलाई कहिल्यै पनि सराप्नु हुँदैन भाइ

कहिलेकाहीँ आइपर्दा– दुःखहरु एकनास
मनको डेरामा थुनेर राख्नु हुँदैन भाइ

खहरेले बगायो भनी चित्त दुखाउनु व्यर्थ छ
कसैलाई कम÷ बेशी आँक्नु हुँदैन भाइ

सहन सक्तैनौ भने ‘मलाई पुग्यो’ भनीदिनू
एक पछि अर्को चोट खाप्नु हुँदैन भाइ