भारत की संस्कृति के लिए... भाषा की उन्नति के लिए... साहित्य के प्रसार के लिए

आभास अनिष्टको / सुमन पोखरेल

Kavita Kosh से
यहाँ जाएँ: भ्रमण, खोज

दिनभरि एउटा मुस्कान बाँचेर
जब, साँझलाई बोलाउँछु आफ्नो वरिपरि,
जूनको मुहारमा
एउटा प्रतिबिम्व देखापर्छ
मेरा पीरहरूको ।

एउटा मधुरो स्वर
मेरो जीवनको
मलाई छाम्न खोज्छ
मेरा हृदयहरूमा ।

त्यो ढुकढुकी
आफ्नो निरन्तरताको
प्रत्याभूति पाउन नसकेर
सधैँसधैँ विचलित छ ।

किञ्चित् मात्र धर्ती पाएको भए
अलिकति स्वतन्त्रता ऊसँगै भए
मेरो मुटुले झगडा गर्ने थिएन
यसरी छाती ढकढकाएर ।

मलाई आभास हुन थालेको छ
कुनै अनिष्टको,
यो रात
त्यसैत्यसै दोहोरिरहेको छैन ।