भारत की संस्कृति के लिए... भाषा की उन्नति के लिए... साहित्य के प्रसार के लिए
आय जकरा सें सौंसे देश असम लागै छै / अमरेन्द्र
Kavita Kosh से
आय जकरा सें सौंसे देश असम लागै छै
हमरा नादिर के सितम हेकरौ सें कम लागै छै
राज लेॅ नीति आरो नीति राजनेता केॅ
सबके छाती पेॅ जना छोॅड़ गरम लागै छै
एक कुर्सी लेली देशोॅ के है टुकड़ा-टुकड़ा
हमरोॅ ई मुल्क छेकै? हमरा भरम लागै छै
भा, जपा होवेॅ कि ऊ आई आई हुवेॅ
कोय अंगरेज के नीति सें नै कम लागै छै
बस्ती ढाहैवाला केॅ एकरा से छै की मतलब
एक दीवाल केॅ जोड़ै में की दम लागै छै
कोय्यो अपनोॅ भी कसम खाँव नै करियो विश्वास
घोर कलयुग छेकै केकरौ ने कसम लागै छै
आय जे मौन छै ऊ कल खना मारलोॅ जैतै
हमरा अमरेन के ई बातोॅ में दम लागै छै
-15.9.92
