भारत की संस्कृति के लिए... भाषा की उन्नति के लिए... साहित्य के प्रसार के लिए
आवाज़नि जा चेहरा ऐं गीतनि जा सपना! / अर्जुन हासिद
Kavita Kosh से
आवाज़नि जा चेहरा ऐं गीतनि जा सपना!
ॾिसंदो हरको ई आहे पर धुंधला धुंधला!
ॾींहं तते जो वण जे हेठां वेठा आहिनि,
गोॾि ॿधल आ, बाकी तन ते कोन्हनि कपड़ा!
सिङिरियुनि जो वणु, ॿकरियुनि चर चर लाती आहे,
ॻोह पुठियां, डोडूं पाइनि, माछियुनि जा छोरा!
ओताकुनि ते कुकड़नि जी था वेढ़ि मचाइनि,
मुछूं वटिनि ऐं मेछ ॾियनि, भोतार असांजा!
पोख पकी आ, पेहे ते कुड़मीअ जी नींगर,
झार थी हकले, खांभाणीअ जा आहिनि सटका!
संग इएं, जोभन जूं चिणिगूं वाझाइनि जिअं,
नींहुं लॼारो, अधमा केॾा गूंगा गूंगा!
मुड़सालू मैदान में आहिनि, मल्ह था खेॾिनि,
हासिद धरतीअ ते लाईंदा, झिरमिर सोढा!
