भारत की संस्कृति के लिए... भाषा की उन्नति के लिए... साहित्य के प्रसार के लिए
आ बैठ बात करां - 6 / रामस्वरूप किसान
Kavita Kosh से
आ बैठ/बात करां
हथाळी पर हथाळी मा‘र
खिलखिलावां
आमण-दूमणै खिणां री
मजाक उडावां
कंठ सूं कंठ मिला
कोई गीत उगेरां,
जीवन-राग अलापां
दो ई डग तो है
धरती आपणां
एक थूं भर
एक म्हैं
नापां
मौत रौ पूंछ पकड‘र
भूंवा बावळी !
ईं री सांकळ
ढीली करां,
दांत तोड़ां,
गाली फोड़ां
पछै जीवन री
ओखद भरां
आ बैठ/बात करां।
