भारत की संस्कृति के लिए... भाषा की उन्नति के लिए... साहित्य के प्रसार के लिए
इंकारु छालाइ / लक्ष्मण पुरूस्वानी
Kavita Kosh से
पुछे को प्रींअ खां, कयो प्यार छा लाइ?
दग़ा दोस्तीअ में, ऐं तकिरार छा लाइ
अङण खे अदण जा, देई दम दिलासा,
दिल में कयो घरु, त दीवार छालाइ
पुछे को प्रींअ खां, कयो प्यार छा लाइ
नदीअ समुंड खे थे, कयो पाणु अर्पण
मटे राह पहिंजी, वही धार छालाइ
पुछे को प्रींअ खां, कयो प्यार छा लाइ
मन्दर जी वीरान, चाढ़ियुनि ते वेही
अञां पिण आ मूंखे, इन्तिजार छालाइ?
पुछे को प्रींअ खां, कयो प्यार छा लाइ
जंहिं गुल में रंगु आ, मुहिंजे खून जो
खणी महिक माणियां, त इंकार छालाइ
पुछे को प्रींअ खां, कयो प्यार छा लाइ
जले थो चिता जियां, ‘लक्ष्मण’ अकेलो
दई वियो जुदाई, थियो यार छालाइ
पुछे को प्रींअ खां, कयो प्यार छा लाइ
