भारत की संस्कृति के लिए... भाषा की उन्नति के लिए... साहित्य के प्रसार के लिए
इतर समय / सरुभक्त
Kavita Kosh से
मृत्युमहोत्सव
पीडाहरुको कोलाहल वगेर
आखेटिक विश्वासहरुमा
धुमकेतु उदाएको वेला
म हब्वलका आँखाहरुले हेर्दैछु
मान्छेका अन्तरिक्षहरु
उन्मीलित ताराहरुको देश
च्याउ फुलेका ब्रहृमाण्ड वीथीभरि
किरणस्नान गर्दै
कुन जम्बालहरुमा चिप्लन्छन्
मेरा पयरका विश्वासहरु -
म अन्धकूप अन्तरिक्ष पोखरीमा
माछामार्न हिडेको छैन
आह! गिद्धहरुको दाहसंस्कार
अन्तरिक्ष अकाल धर्तीभरि
म सप्रसङ्ग षड्ऋतुहरुमा
आयामहरुको टोष्ट खाँदैछु
विगब्याङ्ग
विगब्याङ्ग
सुपरनोमा विस्फोटनका हल्लाहरु
कन्ट्रोल- सिद्धान्तहरुको लाममा
म कतै तानिएको छु
ब्लेकहोल - कृष्ण विवराकृत मनहरु
आफ्नै गुरुत्वपीडित छन्
यर्सथ सापेक्षिततामा नरभक्षी बाघ आतङ्कहरु
आफ्नै आतङ्कले उत्सवित छन्
इतर समय
अन्तरिक्षमा मनहरु हराएका छन्
अझैपनि म प्रेमका कविता खोज्न अभिशप्त छु।
