भारत की संस्कृति के लिए... भाषा की उन्नति के लिए... साहित्य के प्रसार के लिए
इस्कूल / दुष्यन्त जोशी
Kavita Kosh से
मां-बापूजी
टाबरां नै इस्कूल में
इण सारू लगावै
कै
बै' दो आंक सीख'र
मिनख बण ज्यावै
पण इस्कूल में
टाबरां नै
कदी कूकड़ो
कदी कुरसी बणावै
अर कदी
डेडर बणा'र चलवावै
आंनै इस्कूल में
खाली उण दिन पढावै
जिण दिन
जांच करणआळा इस्कूल में आवै
बाकी दिन
गुरुजी तिनखा सारू
अर टाबर पोषाहार सारू आवै।
