भारत की संस्कृति के लिए... भाषा की उन्नति के लिए... साहित्य के प्रसार के लिए
ईमान / हरूमल सदारंगाणी ‘ख़ादिम’
Kavita Kosh से
कोई शिकवो न अथमि
काई शिकायत न अथमि
पंहिंजी तदबीर ऐं तकदीर ते राज़ी आहियां
समझ सारू रहियुसि आज़ाद
मञियमि दिल जी ॻाल्हि
जॻ में जेकी बि बणियुसि
पंहिंजी ई कोशिश सां बणियुसि
न सियासत में विधुमिं हथु
न भरियुमि कंहिं खे सलाम
किअं थे लीडर थी सधियुसि
या
कोई आला अफ़्सर?
दाइरो तंग रखियुमि
जे न वधियुसि, कंहिं जो ॾोहु?
चाल दुनिया जी चलियुसि जे न,
त दुनिया छो पुछे?
रीस छाजी?
ऐं हसद छा लइ?-
ॻहेलाई आहे
हर कोई
कंहिं त नमूने थो बणाए खुद खे?
जो जिते आहि
ऐं खुश आहि
वधे शाल अञा
पाण लइ एतिरो काफ़ी:
अचे रहिजी ईमान।
