जहाँ देवतन के खान हे
ई हमर भारत महान हे
राम किरीसन के जनम भूमि
मदर टेरेसा के करमभूमि
गंगा नदी माय समान हे
ई हमर भारत महान हे
मंदिर, मस्जिद, चर्च, गुरूद्वारा
ई हम्मर आँख के सब तारा
एकता हमनीन के शान हे
ई हमर भारत महान हे
अलग अलग हे सबके बोली
मनवे संग संग ईद होली
जहाँ कोय न´ अनजान हे
ई हमर भारत महान हे
जे हे ऋतुराज के भी रानी
कहँय रेगिस्तान कहँय पानी
हियाँ कण-कण में बसल भगवान हे
सभ्यता संसकिरती परान हे
ई हमर भारत महान हे
जहाँ देवतन के खान हे