ऊँचों खैरो डगमगो गुन गाइये / बुन्देली

बुन्देली लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

ऊँचों खैरो डगमगो गुन गाइये
औ जा पै बैठे गनेस, गनेस मनाइये।
टूटे जुरे सनेह गनेस मनाइये।
इ कलजुग में दो बाड़े
इक धरनी दूजौ मेघ।
मेघा बरसे धरनी उपजे
जासें घर पूरन हो जाये। गुन गाइये...
इ कलजुग में दो बाड़े
इक घोड़ी दूजी गाय
गाय कौ बछड़ा हल जाते घोड़ी कौ रन फाराये।
गणेस मनाइये...
इ कलजुग में दो बाड़े
इक माई दूजी सास।
माई की कुखियन जनम लिये औ सासो दिये घर बार।
इ कलजुग में दो बाड़े
इक साईं दूजे वीर।
बीरन की पैरें चोखी चूनरी साईं को विलसें राज।
इ कलजुग में दो बाड़े
इक चूलौ दूजी खाट
खाट चढ़ बेटा जाइयौ चूले पै चरूआ धराऔ।
गाँवन गाँवन वे बसें औ घर घर दीपक लजायें।
ऊँचो खैरो...