भारत की संस्कृति के लिए... भाषा की उन्नति के लिए... साहित्य के प्रसार के लिए
एउटा जीवन स्वतन्त्र चाहान्छु / सविता गौतम दाहाल
Kavita Kosh से
जीवनसँग वेरिएर जीवन
वुढो रुखजस्तै भएको छ
न यी लहरा काटेर फ्याक्न सक्छु
न यी लहरा चूँडालेर हुरयाउन ।
के गरुँ
एकान्तको पीपल हुन सकिन
एकान्तको वर हुन सकिन
तपस्या वा समाधिमा लीन हुन सकिन
धना जंगलभित्रको वूढो रुखजस्तै भएको छ जीवन ।
जीवनसँग वेरिएर जीवन
वूढो घरजस्तै भएको छ
न यो घर फोड्न सक्छु
न छेउछाउबाट केही हटाउन ।
के गरुँ
झ्यालबाट सल्लेरी वन
वा गांैथलिको यात्रा
वा हरियो खेत देखिने
केही पलको हाँसो हाँस्न सकिन
पुरानो शहरभित्रको वूढो घरजस्तै भएको छ जीवन ।
जरा गाढिएको रुख
पूरातन शैलीको नमूना घर
आ– आफ्नै स्वाभिमानी इतिहास
गाउन लीन छन् ।
के गरुँ
न वूढो रुख चाहान्छु
न वूढो घर
केवल, एउटा जीवन स्वतन्त्र चाहान्छु ।
