Last modified on 27 अक्टूबर 2019, at 00:46

एकबेर फेरू नजरि शरण हम आयल छी / बाबा बैद्यनाथ झा

एकबेर फेरू नजरि शरण हम आयल छी
सौंसे संसारसँ हम सदति सतायल छी

सभ दिन मोह-निशामे हम सूतल रहलौँ
व्यर्थ-जंजालमे हम जनम गमायल छी

सुखक संगी-सखा कियो ने संग देलक
टूटल पात जकाँ हम उड़िआयल छी

कामना-जालमे सभदिन उलझल रहलौँ
पापक बोझसँ हम कतेक दबायल छी

कर जोड़ि विनती अछि आबो तँ माफ करू
दिअऽ आशीष अपन कथी ले नुकायल छी